魔術師足球場

中資金融股

尋日個市無端端跌左 500幾點， 隻隻都跌，基本上係無一倖免。不過，我唔打算講呢樣野，因為一日半日升跌，係無得解。所以，講來都無謂。

今日， 我想講下中資金融股，入面其中一個 sector，中資銀行。

其實中資金融股都係呢一兩年先走出來。新聞叫大果幾間做 "三保五行"。

三保: 2628 中國人壽, 2318 平安保險, 2328 中國財險
五行: 939 建行, 3328 交行, 3988 中行, 1398 工行, 3968招行

中資銀行除左五行之外，仲有其他小行。例如: 中國光大, 中國國金, 民生銀行, etc

不過，因為其他未係香港IPO。今次，淨係傾下五行。

1. 939, 3988, 1398都係國家銀行, 有國家包袱, 做野一定唔夠3968 + 3328 靈活, 但係個底夠晒厚!
2. 939, 1398, 3328 主要做commercial loan, 3988做樓按, 3968就做 credit card + commercial loan.
3. 3328 有 獅子行做 management, 管理層睇高一線 ! 3988 管理層有多年管理 2388 經驗, 都可投信任一票. 其他, 就真係麻麻地啦. ( p.s.: 成日見唔知乜乜分行唔見錢, 都知乜事啦, 野野都幾億幾億 )

以現價睇, 隻隻都好貴! 不過, 因為佢growth個power可能會好強, 所以都值得逢低即買!

但係, 買邊隻呢???

我個意見: 隻隻都買! (廢話云云 ?? 講完等於無講?? 想講粗口鬧我??)

因為, 上市歷史短, 大家都未知佢個管理層做成點, performance好唔好, return做成點, etc....

所以, 隻隻都買! 然後點呢?

年年幫佢地做個Annual review, compare 個 dividend, price/book, return on equity, earning, asset quality, p/e, growth power etc....

跟住, 逐年買出最弱果間, 買入最強果間. 係 3,4年之後, 你個portfilo入面會得返 1 ~ 2 隻, 最強中的最強, 可以長keep等運到啦!

至於,而家邊隻最好? UMM......我唔知, 真係各有各好,又各有各唔好......當然,我有自己最愛.

不過, 我的最愛, 未必即是你的最愛, 係唔係??

posted by 魔術師 @ 1:40 AM