點解唔可以呢?
尋晚，訓來訓去都訓唔著。點解訓唔著 ? 我自己都唔知點解，呢排個人唔係成日頭痛，就係訓唔著，可能真係有少少病啦 。講返正題 。前日, 我同朋友H吹水。傾傾下傾到呢個普選問題。朋友H就話...佢贊成普選議會, 但係唔贊成特首? 因為.... 如果香港人選左一個北京唔鍾意的人做特首, 咁香港經濟就玩完云云。
WELL.....我對朋友H 睇法真係不能苟同!
1. 香港人唔係傻, 佢如果明知咁搞法, 個經濟會玩完, 選出來果個一定可以俾到自己最大利益。即是,唔會係長毛果種人。
2. 就算真係選左個長毛出來, 咁又點呢?? 如果大多數香港人,明知自己經濟收皮,都要自由民主,咁又有乜野問題呢??
如果我個價值觀, 自由民主個位置比搵錢更重要, 又有乜野問題呢?
只要經過獨立思考, 確立個人價值觀。我肯犧牲A, 去換B, 又有乜野問題呢? (A=自由vs B = 錢 or A=錢 vs B=自由)
但係,而家我係冇得選, 即是想犧牲都犧牲唔到。
幾年前, 我俾人老笠, 走去報警,同阿SIR講:"阿SIR,我而家老笠左乜乜乜,。呢樣野,我蓄左好耐錢買,無端端俾人搶左, 我要告爆佢!!!"。
我想問我可唔可以去報警, 同阿SIR講 : "阿蛇,我俾人老笠左D自由民主。呢樣野, 我BORN TO HAVE, 而家擺明搶左我,仲要話為左我好!! 我要告爆佢!!!"。
" 生命誠可貴, 愛情價更高。若為自由故, 兩者皆可拋。"
— 匈牙利革命詩人 裴多菲
我自己做唔到。我見有人做到, 唯有講句:
你好野! 我服左你!
仲有, 多謝晒!
posted by 魔術師 @ 4:05 AM
2 Comments:
或者你咁睇啦.
伙記(香港): "老細(北京), 我有自己處事的方法, 不用費心".
老細：”我唔睇住，而跟住你做錯野，咪又要我執手尾．．．．"
個關係....未必係咁計.
1.佢唔係我老細,佢係我個civil servant.係我俾錢佢,佢幫我做野
2.點先叫做錯呢?係呢個問題上面,係價值判斷,無絕對對錯的.
Post a Comment
<< Home