新北京人
係北京返香港差唔多一個星期，都未有時間update我個blog........今次係我第一次去北京，由於是公幹的關係，都真係無乜時間玩。不過，有件事想講下。
係北京，特別約左個舊朋友出來。其一，自己係北京，真係無乜朋友。二來，朋友係北京本地人，帶我去玩都方便D！
北京朋友 係北京物理系畢業，係國際四大會計師行做野，細我一年，係以前佢來香港 secondment果陣識 ge。
北京人帶我去食烤鴨。食食下，北京人話打算明年打算去美國讀MASTER OF FINANCE。係果一刻，小弟真係有比下去的感覺。
其實，小弟一向都有諗讀MBA，但係同某個舊同事一樣，我都係打算去 CUHK or UST 讀算，都真係無諗過去外國讀書。估唔到北京人，錢又未必多得過我，英文又真係麻麻地，竟然個目標SET得比我遠。
香港人自稱係亞洲金融中心，但係有時香港人係唔係睇得唔夠遠呢??
今日恆指又再創新高,食飯又再搵唔到位的時候,香港人係唔係應該諗下點樣自強不息,局安思危呢?
不過點都好，我係呢度都衷心祝福北京人事業有成，一帆風順。
posted by 魔術師 @ 12:31 AM
2 Comments:
好感慨喎
你睇睇去外國讀書的 pros and cons, 先再決定都未遲 ~
你呢個心情我好明白!
因為我都成日諗住出國,讀又好,工作又好,總之想浸一浸咸水.我諗我早晚都會出去一試,不過我覺得你就未必有咁既雖要...
Post a Comment
<< Home